Son illərdə süni intellekt sektoruna yönələn çip inkişafları ilə böyük uğurlar qazanan "Nvidia" ilə bağlı diqqətçəkən bir yenilik yaşanıb.
Valyuta.az xəbər verir ki, səhmləri ardıcıl yüksələn şirkət bazar dəyəri 4 trilyon dollara çatan ilk şirkət kimi tarixə düşüb. Hazırda "Nvidia"nın bazar dəyəri 3,97 trilyon dollar səviyyəsindədir.
Şirkət iyun 2023-cü ildə 1 trilyon dollarlıq bazar dəyərinə çatmışdı. Süni intellekt çipləri üzərində çalışan "Nvidia" sektorun böyüməsi və çip satışlarının zirvəyə qalxması nəticəsində misli görünməmiş bir uğura imza atdı.
1 yanvar 2025-ci ildən bu yana şirkətin səhmləri 22 faiz dəyər qazanıb. Aprel 2025-ci ildəki eniş nöqtəsi ilə müqayisədə səhmlər 74 faiz artım göstərib. ABŞ-ın 500 ən böyük şirkətini əhatə edən S&P 500 indeksində ən böyük pay 7,3 faizlə "Nvidia"ya aiddir. "Apple" və "Microsoft"un payları isə müvafiq olaraq 7 və 6 faiz səviyyəsindədir.
Dünyanın ən böyük şirkətlərinin cari bazar dəyərləri belədir:
Sərvanə Rəmixanova
