Azərbaycan Lideri addımlarını son dərəcə korrekt hesablayır, səlis məntiqlə hərəkət edirdi. Beynəlxalq səviyyədə əlaqələrimiz genişləndirilirdi. Bu əlaqələrin mükəmməl səviyyədə olduğu aktorlardan biri də BƏƏ idi. Bu dövlətin Azərbaycanla münasibətlərinə əlavə olaraq Ermənistana da yatırdığı sərmayelər ondan xəbər verirdi ki, onun maraqları Cənubi Qafqazda geniş və uzunömürlüdür. Hadisələrin bu cür inkişaf tendensiyasında neytral tərəf kimi məhz BƏƏ-ə üz tutulması da təsadüf olmadı. Məsələ həm də ondan ibarətdir ki, BƏƏ bu məsələdə vasitəçi olmadı, sadəcə müzakirələr üçün meydan təqdim etdi. Cənab Prezident İlham Əliyevin Nikol Paşinyanla görüşündən tutmuş digər rəsmilərlə son dərəcə mükəmməl diplomatik davranış qaydaları sərgiləyərək görüş üçün addım atması, davamında qarşı tərəfdən atılan addım ondan xəbər verir ki, müzakirələrin istiqamətini verən dövlət başçımız həm də diplomatiyanın etiket qaydalarının necə olmalı olduğunu əyani nümayiş etdirir.
Sülh gündəliyinin vacib istiqamətləri olan sərhədlərin delimitasiyası, Zəngəzur dəhlizinin açılması və inkişafı, sülh sazişinin paraflanması ilə bağlı olduqca ciddi və geniş diskussiyanın aparılması bir tərəfdən görüşün konstruktiv ruhunun göstərcisidirsə, digər tərəfdən proseslərin önə doğru aparılması istiqamətində hər iki tərəfin ortaq iradəyə sahib olduğundan xəbər verir. Bundan sonra nəzərdə tutulan bu məsələlər müxtəlif işçi qrupları formatında və daha yüksək səviyyələrdə davam etdirilməli, əldə olunan ümumi razılığın pozulmaması, irəliyə doğru aparılması istiqamətində ortaq siyasi iradə də qorunub saxlanılmalıdır. Qarşıda isə hamar olmayan, son dərəcə çətin bir mərhələ bizi gözləyir. Bu baxımdan tərəflər sayıq davranmalıdır."
İBRAHİM MƏMMƏDLİ
Təklifinizi, şikayətinizi bizə yazın. Sizi dinlərik. 055 634 88 31
