Ukrayna Prezidenti Volodimir Zelenski Rusiyanın Kiyevə qarşı həyata keçirdiyi hücumdan sonra Moskvaya sərt cavab veriləcəyini bəyan edib.
KONKRET.az xəbər verir ki, Zelenskinin sözlərinə görə, Rusiya Silahlı Qüvvələri Kiyevi əsas hədəf seçərək təxminən 10 saat davam edən genişmiqyaslı və kombinə edilmiş hücum həyata keçirib.
“Belə hücumlara ancaq sərt cavab vermək olar. Biz də məhz belə edəcəyik”, – deyə Zelenski bildirib.
Ukrayna lideri həmçinin Rusiyaya qarşı yeni sanksiyaların tezliklə tətbiq edilməsinə çağırıb və Qərb müttəfiqlərindən Ukrayna üçün silah istehsalına investisiya yatırmağı xahiş edib.
Müşviq Tofiqoğlu
KONKRET.az
