Böyük Britaniya və Fransa yüksək dağıdıcı gücə malik “Storm Shadow” qanadlı raketlərindən daha çox sifariş verməyə hazırlaşır.
“Poliqon” Böyük Britaniya Müdafiə Nazirliyinə istinadən xəbər verir ki, bu, öz əksini imzalanan yeni müqavilədə tapıb.
Həmçinin bu müqavilə ilə raketin əvəzləyicisi üzərində də işlər genişləndiriləcək.
Yeni razılaşmanın şərtlərinə uyğun olaraq, Böyük Britaniya və Fransa həm dərin zərbə, həm də gəmi əleyhinə raketlər üzrə birgə layihənin növbəti mərhələsinə başlamağı öhdəsinə götürür ki, bu da “Storm Shadow”un əvəzləyicisinin yekun dizaynına bir addım daha yaxınlaşmaq deməkdir.
