ABŞ prezidenti Donald Tramp ABŞ-a mis idxalına 50 faizlik rüsum tətbiq etdiyini açıqlayıb. Azadmedia.az TASS-a istinadən xəbər verir ki, o, müvafiq nəşri çərşənbə günü Truth Social-da dərc edib.
“Milli təhlükəsizliyimizi hərtərəfli qiymətləndirərək, 2025-ci il avqustun 1-dən 50% mis tarifinin tətbiqini elan edirəm”, - Tramp bildirib.
O qeyd edib ki, mis ABŞ-da yarımkeçiricilər, təyyarələr, gəmilər, döyüş sursatı, akkumulyatorlar, radar sistemləri, müdafiə sistemləri, hipersəs silahlarının istehsalında, həmçinin məlumatların emalı mərkəzlərinin tikintisində lazımdır.
"Mis Müdafiə Nazirliyinin ən çox istifadə etdiyi ikinci materialdır", - Amerika lideri vurğulayıb.
Eyni zamanda, o, misin idxalına rüsumun tətbiqinin keçmiş Amerika administrasiyasının keçmiş prezident Co Baydeni "ehtiyatsız davranış və axmaqlıqda" ittiham edərək buraxdığı səhvləri düzəldəcəyi barədə fikir bildirib.
Bundan əvvəl Trampın misə 50% rüsum tətbiq etmək niyyətində olduğu bildirilirdi.
Xatırladırıq ki, ABŞ prezidenti avqustun 1-nə planlaşdırılan ticarət rüsumlarının qüvvəyə minmə tarixinin təxirə salına biləcəyini etiraf edib. O, bazar ertəsi Ağ Evdə İsrailin baş naziri Benyamin Netanyahu ilə görüşün əvvəlində jurnalistlərin suallarını cavablandırarkən müvafiq bəyanatla çıxış edib.
