Oxumeni.az saytına istinadən ain.az xəbər verir.
Kvebekdə silahlı üsyan hazırlamaqda şübhəli bilinən dörd nəfər saxlanılıb
İyulun 8-də məlum olub ki, Kanadada “Kvebek əyalətində ərazinin bir hissəsini ələ keçirmək” məqsədi ilə “hökumət əleyhinə silahlı qrup yaratmağa” hazırlaşmaqda şübhəli bilinən dörd nəfər saxlanılıb. Polis deyir ki, onlar “zorakılıq aksiyaları planlaşdıran ideoloji motivli ekstremistlərin” planını aşkar ediblər. Adları açıqlanmayan məhbuslar arasında Kanada Silahlı Qüvvələrinin iki fəal üzvü də var.
Saxlanılan şəxslərdən 83 ədəd yarımavtomat və avtomat silah, 130 ədəd maqazin, 11 minə yaxın patron, partlayıcı maddələr, digər döyüş sursatları, gecəgörmə cihazları və digər avadanlıqlar götürülüb. Bu, ölkənin bütün tarixində Kanadada vətəndaşlardan müsadirə edilən silahların rekord həcmidir.
Təxminən 25 yaşlı saxlanılanlardan üçü terror fəaliyyətinə hazırlaşmaqda, dördüncüsü isə təxminən 35 yaşında qanunsuz odlu silah və sursat saxlamaqda ittiham olunub. Saxlanılanların döyüş hazırlığı, taktiki atış, partlayıcı qurğuların təsirini və istifadəsini öyrəndikləri bildirilir. İş üzrə ilk iclas iyulun 8-də Kvebek Şəhər Məhkəməsində keçirilib. Həbs olunanların ideologiyası və konkret məqsədləri barədə hələlik məlumat verilmir.
Əziz Mustafa
Sonrakı hadisələr barədə daha çox məlumat almaq üçün ain.az saytını izləyin.
