Bakı-Sumqayıt qatarlarının hərəkət qrafiki dəyişir.
Xezerxeber.az xəbər verir ki, artıq ənənəvi hal alan bu qayda mövsümlə əlaqədar olaraq tətbiq edilir.
Bildirilib ki, yay dövrünü əhatə edən dəyişikliklə bağlı iyulun 10-dan etibarən həftəiçi günlərdə dairəvi marşrut üzrə reyslərin sayı müvəqqəti olaraq 10 reys azaldılacaq.
Qrafikdən çıxarılan reyslər Bakı-Sumqayıt-Pirşağı-Bakı xətti üzrə Sumqayıt stansiyasından saat 06:45, 10:35 və 11:30, Bakı dəmiryol vağzalından isə saat 09:30 və 10:30 reysləridir. Həmçinin Bakı-Xırdalan və Bakı-Xırdalan-Sumqayıt-Bakı istiqamətləri üzrə Bakı dəmiryol vağzalından saat 07:05, 07:45 və 18:35, Xırdalan stansiyasından 08:22, Sumqayıt vağzalından isə 06:15 reysləri müvəqqəti dayandırılır.
Xezerxeber.az mövzu ilə bağlı daha ətraflı videomaterialı təqdim edir.
