Rusiyanın yeni nəqliyyat naziri Andrey Nikitin bildirib ki, həyat yoldaşı Maya Rusiya hava limanlarında müşahidə olunan çökmə ilə üzləşib.
Publika.az xəbər verir ki, bu barədə o, kp.ru saytına müsahibəsində bildirib.
Onun sözlərinə görə, xanımı iyulun 6-da Rusiya Federasiyasının regionlarından birinə ezamiyyətə gedib. Nikitin bildirib ki, Maya ekonom klassda uçub və uçuşlar gecikən aeroportlarda yaranan problemləri tam yaşayıb. Yeni nəqliyyat nazirinin həyat yoldaşı bir neçə saat gözləmə zalında oturmalı olub.
"Təyyarə gecikdi. Mən ona xəbərdarlıq etdim ki, böyük ehtimalla belə olacaq. Səbirsizliklə həyat yoldaşımın qayıtmasını gözləyirəm", - Nikitin deyib.
İyulun 8-də Rusiya Prezidenti Vladimir Putin Andrey Nikitinin Rusiya Nəqliyyat Nazirliyinin rəhbəri təyin edilməsi haqqında fərman imzalayıb.
