BAKI, 8 iyul. TELEQRAF
Beynəlxalq Cinayət Məhkəməsinin (ICC) II Məhkəməyə qədərki Palatası Taliban liderləri Heybətullah Axundzadə və Əfqanıstan Ali Məhkəməsinin sədri Əbdül Hakim Həqqaninin həbsinə order verib.
Teleqraf xəbər verir ki, bununla bağlı ICC-nin rəsmi saytında yayımlanan press-relizdə bildirilib.
Məhkəmə qərarı Əfqanıstandakı vəziyyətin və Talibanın idarə etdiyi ölkədəki hüquqi və siyasi şəraitin kontekstində verilib.
“Bu gün, 8 iyul 2025-ci ildə Beynəlxalq Cinayət Məhkəməsinin II Məhkəməyə qədərki Palatası, Əfqanıstanda baş verən hadisələrə görə Talibanın ali lideri Heybətullah Axundzadə və Əfqanıstanı faktiki olaraq idarə edən Əbdül Hakim Həqqaninin həbsinə order verib”, - deyə ICC-nin bəyanatında qeyd olunur.
Həbs qərarı ICC-nin Əfqanıstandakı müharibə cinayətləri və insan hüquqları pozuntuları ilə bağlı aparılan araşdırmalar nəticəsində verilib.
Hazırda Beynəlxalq Cinayət Məhkəməsi Taliban rəhbərliyinin üzləşdiyi ittihamları və cinayətləri araşdırmaq üçün hüquqi addımlar atmağa davam edir.
