BAKI. 8 iyul. TELEQRAF
Dağıstanın beş yaşayış məntəqəsinin sakinlərində çoxsaylı bağırsaq infeksiyası halları aşkarlanıb.
Teleqraf xəbər verir ki, faktla bağlı epidemioloji araşdırma başlanılıb.
“7 iyul 2025-ci il tarixində gecə saatlarında idarəyə Maqaramkent, Kuysun, Gilyar, Qaptsax və Yuxarı Taqirkent yaşayış məntəqələrinin sakinləri arasında çoxsaylı bağırsaq infeksiyası hallarının qeydə alınması barədə məlumat daxil olub. Hazırda hadisə baş verən yaşayış məntəqələrində “Rospotrebnadzor” mütəxəssisləri çalışır, zərərçəkənlərdən su və biomaterial nümunələri götürülür”, - Rusiya Federasiyasının İstehlakçı Hüquqlarının Müdafiəsi və İnsan Rifahı Sahəsində Nəzarət üzrə Federal Xidmətinin (“Rospotrebnadzor”) məlumatında deyilir.
