Kulis.az portalından verilən məlumata əsasən, ain.az bildirir.
"Evdə bəzi özəl kanalları silmişəm ki, gözüm verilişlərdə gedən "düşük" söhbətləri görməsin. Təəssüf ki, görmək istəməsəm belə, bəzən sosial şəbəkədə qarşıma çıxır. Bayaq baxıram ki, IQ səviyyəsi yerlərdə sürünən bəzi müğənnilər çıxıb verilişdə “kimin toyu daha çoxdur, mənim ya filankəsin?” mövzusunda mübahisə edirlər.Müğənni Almaxanım Əhmədova sosial şəbəkə paylaşımı ilə diqqət çəkib".
Kulis.az xəbər verir ki, bu sözləri müğənni Almaxanım Əhmədova sosial şəbəkə hesabında yazıb.
Sənətçi kanalları tənqid edib:
"Həqiqətən, görün necə vəziyyətdəyik ki, müğənni çıxıb konsert tarixlərini elan etmək əvəzinə bu ay 10 dənə, sentyabrda 20 dənə toyum var və sair kimi axmaq söhbətlər edir. Hələ bu azmış kimi aparıcı da deyir ki, bu ay toylardan nə qədər qazandın? Əziz sənətçilər, nə olar bir az özünüzü inkişaf etdirin. Toyda “Buleyli” oxumaqla heç bir inkişafdan söhbət gedə bilməz. Demirəm toyda əsər oxuyun. Fikrimi düzgün başa düşün. Bir az dünya mediasını izləyin, xarici müğənnilərin solo konsertlərinə baxın. Görün insanlar necə işlər ortaya qoyurlar. Toy, toy, toy...".
O bildirib ki, bəzi kanalları evində "qara siyahı"ya atıb:
"Efirdə nə vaxtadək belə iyrənc söhbətlər gedəcək axı? Gənclər baxıb nədən maariflənəcək? Toya getməyi ayıb hesab etmirəm. Özüm də gedirəm. Amma bununla öyünmək sənətçinin bədbəxtçiliyidir. Bir sənətçi ki, 30 ildir ancaq toy oxuyur, bir dəfə də olsun konsert verməyibsə, zal doldurmayıbsa, bu o sənətçinin sənətinin və zəka səviyyəsinin çöküşü deməkdir. Hələ konsert verməyi də qlobal uğur kimi təqdim edən sənətçiləri demirəm. Ay gözəl insan, bu zatən sənin işindir. Sən müğənnisənsə, konsert verməlisən. Burada qeyri-adi nə var ki? "Şok, şok, şok... Filankəs solo konsert verdi". Ay bala, bu müğənnidi də, başqa nə etməlidir? Müğənninin fəaliyyəti odur ki, konsert versin, yeni mahnılar və kliplər təqdim eləsin".
İrəvan teatrı mövsümü bağlayır
"Heydər Əliyev bir dəfə mənə demədi ki..." - Kamal Abdulla
Bir oğlunu edam etdirən, bir oğlunun gözünü çıxartdıran şahın faciəsi - Sevinc Mürvətqızı
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
