İran İsraillə gərginliyin pik həddə çatdığı dövrdə Hörmüz boğazını minalamağı planlaşdırırdı.
Publika.az xəbər verir ki, bu barədə “Reuters” agentliyi ABŞ rəsmilərinə istinadən məlumat yayıb.
İddialara görə, İran hərbçiləri artıq iyun ayında Fars körfəzindəki bəzi gəmilərə mina yükləyiblər.
Mənbələr bildirir ki, həmin minalar sonradan aşkar edilməyib və onların gəmidə qalıb-qalmadığı və ya anbarlara daşınıb-daşınmadığı naməlum olaraq qalır.
Qeyd edək ki, Hörmüz boğazı dünyanın ən strateji və ən işlək gəmi yollarından biri hesab olunur. Onun bağlanması qlobal neft tədarükünə ciddi təsir göstərə və neft qiymətlərində kəskin artıma səbəb ola bilər.
