İsrailin baş naziri Benyamin Netanyahunun oğlu Yair Netanyahu ölüm təhdidləri aldığını iddia edərək ölkəni tərk etdiyini açıqlayıb. Yair ABŞ-da məskunlaşmaq qərarına gəldiyini bildirib.
İsrailin baş naziri Benyamin Netanyahunun oğlu Yair Netanyahu müxalifətin ona qarşı ölüm təhdidləri səbəbindən İsraili tərk edərək ABŞ-da məskunlaşdığını iddia edib.
TOV xəbər platformasına danışan Yair Netanyahu keçmiş müdafiə naziri Yoav Gallantın vəzifədən çıxarıldığı gecə baş verən hadisələrdən sonra ölkəni tərk etmək qərarına gəldiyini bildirib.
Həmin gecə Tel-Əvivdə evinin qarşısına toplaşan etirazçılara və bəzi insanların əllərində məşəllə evin hasarına dırmaşmağa cəhd etmələrinə toxunan Netanyahu, polisin vəziyyətə biganə qaldığını iddia edib.
Etirazçılar arasında ona qarşı açıq şəkildə ölüm təhdidləri edənlərin olduğunu müdafiə edən Yair, “Bu təhdidlərə göz yuman və ya müdaxilə etməyən yüksək səviyyəli məmurların olduğu çox açıq idi” deyib.
Yair Netanyahu həmçinin iddia edib ki, İsraildə mübahisəli məhkəmə islahatları prosesinə qarşı etirazların əksəriyyəti xaricdən, xüsusən də Almaniya, İsveç, Fransa və Böyük Britaniya kimi Avropa Birliyi ölkələrindən maliyyələşdirilib.
