Sabahdan bəzi sosial müavinətlər artırılır.
Xezerxeber.az xəbər verir ki, iyulun 1-dən Prezidentin fərdi təqaüdünün məbləği 1 700 manat, fəxri adlara görə aylıq təqaüdün məbləği xalq yazıçısı, xalq şairi, xalq artisti və xalq rəssamı üçün 300 manat müəyyən edilib.
Həmçinin əməkdar elm xadimi, əməkdar incəsənət xadimi, əməkdar artist, əməkdar jurnalist və bu kateqoriyadan olan digər şəxslər üçün isə aylıq təqaüdün məbləği 200 manata çatdırılıb.
Bu artımlar Prezident İlham Əliyevin iyunun 12-də imzaladığı müvafiq Fərmana əsasən həyata keçirlir. Fərmana əsasən, müddətli həqiqi hərbi xidmət hərbi qulluqçularının uşaqlarına 140 manat, eləcə də bir yaşınadək uşağı olan aztəminatlı ailələrə hər uşaq üçün 140 manat veriləcək. Eyni zamanda himayədar ailəyə verilmiş 18 yaşınadək əlilliyi müəyyən edilmiş uşağın tərbiyə edilməsi ilə bağlı 0-6 yaş arası uşağa görə 500 manat, 7-13 yaş arası uşağa görə 600 manat, 14-18 yaş arası uşağa görə isə 650 manat pul ödəniləcək.
Bundan başqa uşağın anadan olmasına görə və dəfn üçün 600 manat aylıq müavinət də müəyyən edilib.
Xezerxeber.az daha ətraflı videomaterialı təqdim edir.
