"Sverdlovskda azərbaycanlıların qətli heç cür haqq qazandırılması mümkün olmayan cinayətdir. Cinayətdə şübhəli bilinən şəxsləri zərərsizləşdirmək bir şeydir, məhv etmək başqa şeydir. İllah da ki, basqına məruz qalmış azərbaycanlılar silahlı müqavimət göstərməyiblər."
Bu fikirləri "Bakı Xəbər" qəzetinin Baş redaktoru, siyasi şərhçi Aydın Quliyev özünün Facebook səhifəsində paylaşıb. A.Quliyev daha sonra yazır: "Cinayətkarlığa və cinayətlərə qarşı mübarizə hər bir dövlətin süveren hüququdur. Ancaq cinayətkarlığa və cinayətkara qarşı mübarizənin özü də tam qanuni üsul və formalarda aparılmalıdır. Cinayət törətməklə cinayətə qarşı mübarizə aparmaq olmaz. Rysiyada məhz belə etdilər. Yeni cinayət törədə - törədə cinayətkarlıqla mübarizə aparmaq absurddur...
