Xəbər verdiyimiz kimi, Rusiyada azərbaycanlılara qarşı əməliyyat keçirilib. Hadisə nəticəsində ölənlər, xəsarət alanlar və saxlanılanlar var.
Hazırkı vəziyyət necədir? Bu, şəxsi məsələdir, yoxsa hansısa pərdəarxası məqamlar var?
Globalinfo.az-a danışan politoloq Xəqani Cəfərli bildirib ki, Yekaterinburq şəhərində Federal Təhlükəsizlik Xidmətinin (FTX) azərbaycanlı Səfərovlar ailəsinin yaşadıqları müxtəlif ünvanlara keçirdiyi əməliyyat nəticəsində iki nəfərin ölməsi, bir neçə nəfərin saxlanılması Rusiyada qeyri-ruslara, xüsusən gəlmələrə qarşı nifrət mühitinin nəticəsidir:
“Hadisə zamanı FTX əməkdaşlarının qəddarlığı da bu fikri təsdiq edir. Bütövlükdə isə Rusiyanın tarixi daim belə hadisələrlə “zəngindir”. İmperiya zəifləyəndə və ya sosial-iqtisadi vəziyyət pisləşəndə gəlmələrə və qeyri-ruslara qarşı nifrət qabarır. Ötən əsrin əvvəllərində və sonlarında ən azı iki dəfə belə hadisə yaşanıb”.
Politoloq əlavə edib ki, Rusiyada azərbaycanlılara qarşı mənfi münasibəti var:
“Bu, heç kimə sirr deyil və ört-basdır etmək yersizdir. Bu baxımdan, Azərbaycan Xarici İşlər Nazirliyinin zorakılıqda iştirak edənlərin qısa müddət ərzində məsuliyyətə cəlb olunması ilə bağlı müraciətinin nəticə verəcəyi inandırıcı görünmür. Əksində münasibətlər pisləşə bilər”.
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
