Bu gün Rusiyanın Yekaterinburq şəhərində xüsusi təyinatlı OMON dəstəsi Ziyəddin və Hüseyn Səfərovların evinə basqın edib.
AFN.az xəbər verir ki, bu barədə APA-ya Səfərovların qardaşı Seyfəddin Hüseynli məlumat verib.
“İki qardaşımı da işgəncə ilə öldürüblər”, – deyə Seyfəddin Hüseynli bildirib.
Onun sözlərinə görə, hadisənin səbəbi 25 il əvvəl baş vermiş naməlum bir cinayət işi ilə bağlı aparılan istintaqla əlaqələndirilir:
“İki qardaşım öldürülüb, heç nə demədən evlərə basqın ediblər. Ailəni, evdə yaşayan insanları kütləvi şəkildə həbs ediblər. Qardaşlarımı isə işgəncə ilə qətlə yetiriblər”.
