Çeçenistanın rəhbəri Ramzan Kadırovun üçüncü oğlu, 17 yaşlı Adam Kadırov evlənir.
Sfera.az axar.az-a istinadən bildirir ki, bu barədə Çeçenistan rəhbərinin böyük qızı Ayşat Kadırova məlumat verib.
"Qardaşım evlənir", - o, bildirib.
Onun sözlərinə görə, toy Kadırovların ata-baba kəndi Axmat-Yurtdakı ailə evində baş tutacaq.
Qeyd edək ki, Adam Kadırov Çeçenistan rəhbərinin - atası Ramzan Kadırovun köməkçisidir və 2023-cü ilin noyabrından o, həm də Çeçenistan Təhlükəsizlik Xidmətinə rəhbərlik edir.
2023-cü ilin oktyabrında Adam Kadırov Çeçenistan Respublikasının Qəhrəmanı adına layiq görülüb, 2024-cü ilin avqustunda isə ən yüksək regional mükafat - Kadırov ordeni ilə təltif edilib.
