Britaniyanın MI6 Xarici Kəşfiyyat Xidmətinin gələcək rəhbəri Blez Metrevelinin babası Konstantin Dobrovolski Almaniyanın işğalı altında olan Ukraynanın Çerniqov şəhərindən olan nasist əməkdaşı olub.
Yeniavaz.com xəbər verir ki, bu barədə Britaniyanın “The Daily Mail” qəzeti məlumat yayıb.
Məlumata görə, Dobrovolski 1906-cı ildə Çerniqov quberniyasının kəndlərindən birində anadan olub. Rusiyanın açıq mənbələrindən əldə edilən məlumata görə, onun atası Çerniqov zadəganı Avqustin Frantseviç Dobrovolski olub.
“Daily Mail”in məqaləsində onun alman və polyak, anasının isə Ukrayna əsilli olduğu bildirilir.
Britaniya kəşfiyyatının gələcək rəhbərinin babası 526 hektarlıq ailə mülkündə böyüyüb.
Materialda bildirilir ki, 1917-ci il Oktyabr inqilabından sonra onun ailəsinin əmlakı müsadirə olunub.
Nəşr yazır ki, Dobrovolski Böyük Vətən Müharibəsi ilə Dnepropetrovskda tanış olub. Alman tərəfinə keçmək üçün dərhal Qırmızı Orduya yazılıb. Nəticədə, 1941-ci ilin avqustunda o alman tərəfinə keçib. Dobrovolski SS tank dəstəsində xidmət etməyə başlayıb. Bundan sonra o, Vermaxtın gizli sahə polisinin üzvü olub.
