"Yaşıl Teatr"da "Qvadelup və Azərbaycan ritmləri və rəqsləri" adlı konsert proqramı keçirilib.
APA-nın məlumatına görə, Bakı Təşəbbüs Qrupunun icraçı direktoru Abbas Abbasov qonaqları salamlayaraq, belə bir mədəniyyət tədbirində iştirak etdikləri üçün təşəkkürünü çatdırıb.
FID-in Qvadelup bölməsinin milli koordinatoru Jean-Jacob Bisep Azərbaycanda ölkəsinin mədəniyyətinin təmsil olunmasına şərait yaratdığı üçün Bakı Təşəbbüs Qrupuna minnətdarlığını çatdırıb.
Qeyd edək ki, tədbirdə "Natiq" ritm qrupu, "Mirvari" rəqs kollektivi, habelə, Qvadelupu təmsil edən "Lakou veranda" qrupu iştirak edib.
