İranın nüvə obyektlərinə ABŞ və İsrailin zərbələri nəticəsində ciddi ziyan dəyib.
Yeniavaz.com xəbər verir ki, bu barədə İran Xarici İşlər Nazirliyinin xüsusi nümayənsədi İsmayıl Bəqayi “Əl-Cəzirə” telekanalına müsahibəsində bildirib.
“Bəli, nüvə obyektlərimizə ciddi ziyan dəyib. Bu, dəqiqdir, çünki onlara dəfələrlə zərbə vurulub. Bu mövzuya əlavə edəcəyim heç bir şey yoxdur, çünki bu, texniki məsələdir”, - Bəqayi qeyd edib.
O, İranın Atom Enerjisi Təşkilatının və digər müvafiq qurumların məsələ ilə məşğul olduğunu bildirib.
