Türkiyənin "Kasımpaşa" klubunun yeni baş məşqçisi bəlli olub.
QOL.az xəbər verir ki, Superliqa təmsilçisini Şota Arvelaadze çalışdıracaq. Bu barədə İstanbul klubunun mətbuat xidməti məlumat yayıb.
Gürcüstanlı mütəxəssislə 1 illik müqavilə imzalanıb. O, bu vəzifədə Burak Yılmazı əvəzləyib.
Qeyd edək ki, Şota Arveladzenin son iş yeri "Fatih Karagümrük" olub. O, 2012-2015-ci illərdə də "Kasımpaşa"nı çalışdırıb. Arveladze Türkiyədə "Kayserispor" və "Trabzonspor"un da baş məşqçisi olub.
