Yüklərin daşınması və çatdırılması sistemində zəifliklər olsa da, 2010-cu ilə qədər terrorçuların bu üsula marağına dair dəlillər yox idi. Heftelik.az-ın məlumatına görə, bu, “Mülki aviasiya sahəsində təhdidlərin qiymətləndirilməsi və risklərin idarəolunması Metodikası”nda əksini tapıb.
2010-cu ilin oktyabrında yüklərin çatdırılması sistemindən istifadə edilərək terror aktına cəhd oldu. Bu, terrorçuların belə aktları həyata keçirmək niyyət və qabiliyyətinin sübutu kimi qiymətləndirilir. Yüksək riskli yüklər adətən naməlum və ya şəxsi yükgöndərəndən gəlir. Onların tərkibində KPQ aşkar edilməsini çətinləşdirən üzvi maddələr və elektrik cihazları ola bilər. Belə yüklər, həmçinin terrorçuların aktiv olduğu ərazilərdən göndərilir.
