Madrid “Real”ı müdafiəçi David Alaba ilə müqaviləni tamamladıqdan sonra yollarını ayırmağa qərarlıdır.
90deqiqe.Az xəbər verir ki, avstriyalı futbolçu 2023-cü ilin sonlarında ağır zədə aldıqdan sonra hələ də tam sağalmayıb. O zaman xondral zədələnmə ilə üzləşən Alabanın sonradan eyni oynağında menisk problemi də aşkarlanıb. Baş məşqçi Xabi Alonso bildirib ki, futbolçunun bərpa prosesi hələ davam edir və meydanlara dönüşü vaxt tələb edir.
Mövcud müqavilə 2026-cı ilin yayında başa çatacaq. Klub isə bu tarixdən sonra oyunçunun illik 19.5 milyon avro olan yüksək əməkhaqqısını maaş cədvəlindən çıxarmağı planlaşdırır.
Qeyd edək ki, bu həftə David Alaba 33 yaşını qeyd edib.
