Qara sarımsaq (black garlic) adi sarımsağın fermentasiya ilə əldə edilən, həm sağlamlıq, həm də qastronomik baxımdan dəyərli məhsuludur. 40–90 gün ərzində nəzarətli rütubət və temperaturda saxlanaraq əldə edilən bu məhsul dünya bazarında yüksək qiymətlə satılır.
Valyuta.az xəbər verir ki, hazırda 1 kiloqram qara sarımsağın qiyməti 190 ABŞ dolları (323 manat), orqanik və qabıqsız versiyalarda isə 57 dollar (97 manat) civarındadır. Bir diş qara sarımsaq təxminən 1,9 dollar (3,2 manat) qiymətə satılır.
Adi sarımsağın kiloqramı cəmi 1,2–1,8 dollar (2–3 manat) olsa da, fermentasiya nəticəsində məhsulun dəyəri 59 dollardan (100 manatdan) yuxarı qalxır. Yəni maya dəyəri aşağı olan bu məhsul, düzgün texnologiya və təqdimatla yüksək qazanc potensialı yaradır.
Beləliklə, qara sarımsaq həm funksional ərzaq kimi, həm də bazarda yüksək marjaya sahib məhsul olaraq istehsal və satış üçün cəlbedici imkan təqdim edir.
Mayya Hüseynova
