Almaniyanın "Borussiya" (Dortmund) klubu yeni qapıçı transferini rəsmiləşdirib
90deqiqe.Az klubun rəsmi saytına istinadən məlumatına görə, Dortmund təmsilçisi "Boxum"dan ayrılan Peter Drevesslə müqavilə imzalayıb.
32 yaşlı qolkiperlə müqavilə 2027-ci ilə qədər qüvvədə olacaq.
Drevess yeni komandasında əsas qapıçı Qreqor Kobel və ehtiyat qapıçı Aleksander Mayer-Şadedən sonra üçüncü seçim olacaq.
Qeyd edək ki, "Boxum" 2023/24 mövsümündə Bundesliqada 18-ci yeri tutaraq yüksək liqanı tərk edib. Drevess həmin mövsümdə 21 oyunda forma geyinib, 58 qurtarış edib və 46 qol buraxıb.
Xatırladaq ki, 2024-cü ilin dekabrında “Boxum”la “Union Berlin” arasında keçirilən oyunda tribunalardan atılan alışqan Drevessin başına dəymişdi. Hadisəyə görə oyun yarımçıq dayandırılmış, “Union” klubuna isə texniki məğlubiyyət verilmişdi.
