"Liverpul" klubu yaxın günlərdə yeni transferini rəsmiləşdirə bilər.
90deqiqe.Az xəbər verir ki, "Bornmut"un sol cinah müdafiəçisi Miloş Kerkesin Mersisayd klubuna keçidi an məsələsidir.
21 yaşlı futbolçu bu həftənin əvvəlində tibbi müayinədən keçəcək. Əgər hər hansı bir sağlamlıq problemi aşkarlanmasa, Kerkes "Liverpul"la beş illik müqavilə imzalayacaq.
Qeyd edək ki, Macarıstan millisinin üzvü son iki mövsümü "Bornmut"da keçirib. Bu müddət ərzində o, 74 matçda meydana çıxaraq 2 qol vurub və 8 məhsuldar ötürmə ilə yadda qalıb.
