İran xarici işlər nazirinin müavini Məcid Taxt Rəvançi İranın nüvə fəaliyyətlərinin, o cümlədən uranın zənginləşdirilməsinin dayandırılması ideyasını təkzib edib.
Sfera.az Mehr agentliyinə istinadən xəbər verir ki, İran xarici işlər nazirinin müavini Məcid Təxt Rəvançi ABŞ-nin İranın nüvə obyektlərinə zərbələr endirməsini açıq-aşkar təcavüz və cinayət kimi dəyərləndirib və ölkənin nüvə proqramının dayandırılmayacağını vurğulayıb.
“Nüvə Silahlarının Yayılmaması Müqaviləsi çərçivəsində qaldığımız müddətcə heç kim bizə nə etməli olduğumuzu və etməməli olduğumuzu deyə bilməz”, - deyə Taxt Rəvançi vurğulayıb.
Fidan Hacızadə
Sfera.az
