“Qalatasaray”dan ayrılan Dris Mertens karyerasını bitirib.
Futbolpress.az xəbər verir ki, bu barədə insayder Nikolo Skira məlumat yayıb. 38 yaşlı futbolçu yeni klub axtarışında deyil və futbolçu karyerasını sonlandırıb.
2022-ci ildən “Qalatasaray”da çıxış edən Mertens başa çatan mövsümdə 52 oyunda 6 qol vurub, 21 məhsuldar ötürmə edib.
Karyerasının böyük hissəsini “Napoli”də keçirən belçikalı hücumçu bu komanda ilə İtaliya Kubokunu və Superkubokunu qazanıb. Mertens Belçika yığmasında 109 oyunda 21 qol vurub.
