Aerovağzal kompleksinə giriş yollarında və 50 metrədək məsafədə nəzarətsiz saxlanılan nəqliyyat vasitələri operativ şəkildə evakuasiya edilir. Heftelik.az-ın məlumatına görə, bu, “Mülki aviasiya sahəsində təhdidlərin qiymətləndirilməsi və risklərin idarəolunması Metodikası”nda əksini tapıb.
Hava limanının obyektlərinə hücum zamanı partlayışın təsirini azaltmaq üçün gücləndirilmiş konstruksiyalar tətbiq olunur. Hava limanının nəzarət olunan zonalarına nəqliyyat vasitələri ilə güclə soxulmanın qarşısını almaq üçün qabaqlayıcı vasitələr — hasarlama, müşahidə sistemləri və s. — istifadə edilir. Xidməti personalın fəaliyyətinə girişə nəzarət, nəzarət-buraxılış məntəqələrində nəqliyyat vasitələrinə baxış, və şəxsi məlumatların yoxlanılması daxildir. Həmçinin, xüsusi boyanmış və xidməti avtomobillərin hərəkəti idarə olunur. Nəzarət olunan zonalarda nəqliyyat vasitələrinin idarə olunması təşkil edilir. Bu tədbirlər hava limanlarının təhlükəsizliyini artırmaq məqsədi daşıyır.
