Klublararası dünya çempionatının G qrupunun II turunda “Yuventus” və Mərakeşin “Vydad” klubu üz-üzə gəlib.
90deqiqe.Az xəbər verir ki, ABŞ-ın “Lincoln Financial Field” stadionunda baş tutan qarşılaşma İtaliya təmsilçisinin 4:1 hesablı qələbəsi ilə yekunlaşıb.
Oyunun 6-cı dəqiqəsində “Vydad”ın müdafiəçisi Abdelmunaim Butoui avtoqol vuraraq hesabı açıb. 16-cı dəqiqədə Kenan Yıldız Andrea Kambiaso ilə gözəl anlaşaraq fərqi artırıb. 25-ci dəqiqədə Tembinkosi Lorç Mərakeş təmsilçisinin heyətində fərqlənərək hesabı 2:1 edib. 69-cu dəqiqədə Yıldız ikinci dəfə rəqib qapısına yol taparaq dubla imza atıb. 90+4-cü dəqiqədə Duşan Vlahoviç penaltini dəqiq yerinə yetirməklə matçın yekun nəticəsini müəyyənləşdirib — 4:1.
Bu qələbə sayəsində “Yuventus” G qrupunda 6 xalla liderliyə yüksəlib. “Vydad” isə hələ də xal qazana bilməyib.
