ABŞ prezidenti Donald Tramp deyib ki, iki həftə Vaşinqtonun nüvə proqramı ilə bağlı qərar vermək Tehran üçün maksimum vaxtdır.
Trampın sözlərinə görə, İran bu müddət ərzində nüvə proqramı ilə bağlı vəziyyəti diplomatiya yolu ilə həll etməyə cəhd edə bilər: “Onlara vaxt veririk. Görəcəyik o müddət nədir. Amma mən onlara vaxt verirəm. Deyərdim ki, bu vaxt maksimum iki həftə olacaq” – Tramp bildirib.
Bundan əvvəl ABŞ-ın iki həftə ərzində İranı bombalaması ilə bağlı qərar verəcəyi bildirilirdi.
ABŞ-ın vitse-prezidenti Cey Vensin təminatlarına əsasən, Vaşinqton İranla bağlı vəziyyəti diplomatik üsullarla sona qədər həll etməyə çalışacaq – sonra isə İranın nüvə proqramına son qoyacaq: “O (Tramp) mümkün qədər diplomatiyaya sadiq qalacağını söyləyib. Və qərara gəldikdən sonra… əlavə danışıqlar bizi heç bir yerə aparmayacaq, düşünürəm ki, prezident uranın zənginləşdirilməsinə son qoymaq və İranın nüvə proqramını dayandırmaq üçün əlindən gələni edəcək”, -Vens deyib. Onun sözlərinə görə, İranla bağlı son qərar Trampındır və vaxt daralır. Bundan sonra ABŞ ordusu İranın nüvə proqramını öz üzərinə götürəcək.
Rusiya prezidenti Vladimir Putin daha əvvəl İranın dinc nüvə enerjisi əldə etmək hüququnu dəstəkləyib. Bazar ertəsi o, İranın xarici işlər naziri Abbas Əraqçi ilə görüşə bilər.
//Samir Qurbanov, Editor.az
