İtaliyanın müdafiə naziri Guido Crosetto NATO sammiti ərəfəsində alyansın gələcəyi ilə bağlı qalmaqallı açıqlama verib.
Axar.az xəbər verir ki, bu barədə DPA agentliyi məlumat yayıb.
Padua Universitetində çıxış edən nazir deyib ki, NATO-nun artıq ayaqda qalmaq hüququ yoxdur, zaman dəyişib.
Crosetto bildirib ki, ABŞ və Avropa Birliyi artıq dünyanın mərkəzi deyil və NATO dəyişən qlobal şərtlərə uyğunlaşmalıdır.
O, alyansı qlobal Cənub ölkələri ilə əməkdaşlığa çağıraraq, yalnız bu yolla sülh və qarşılıqlı təhlükəsizliyin təmin oluna biləcəyini vurğulayıb.
