Rusiya lideri Vladimir Putin gözlənilmədən Ukraynanın Rusiyaya qarşı “çirkli” adlandırılan bombadan istifadə edə bildiyi haqda danışmağa başlayıb.
Bununla belə, o, həmçinin təsdiqləyib ki, Moskvada Kiyevin artıq belə bir silah yaratması və ya yaratmağı planlaşdırması barədə heç bir sübut yoxdur.
Putin bunu Sankt-Peterburq Beynəlxalq İqtisadi Forumu zamanı deyib. Onun sözlərinə görə, belə bir bombadan istifadə Ukrayna hakimiyyətinin “böyük səhvi olardı”. O, Rusiyanın guya “həmişə eyni şəkildə cavab verəcəyi” ilə hədələyib: “Buna görə də bizim cavabımız çox sərt və çox güman ki, həm “neonasist rejimi”, həm də təəssüf ki, Ukraynanın özü üçün fəlakətli olacaq. Ümid edirəm ki, bu, heç vaxt buna gəlməyəcək”, – o əlavə edib.
Ukraynanın “çirkli bomba” yarada biləcəyinə dair hər hansı sübutun olub-olmaması ilə bağlı aydınlaşdırıcı suala Putin belə cavab verib: “Xeyr, bizdə belə niyyətlərin təsdiqi yoxdur. Amma biz ondan çıxış edirik ki, kiminsə xəstə təxəyyülündə belə fikirlər yarana bilər”.
//Samir Qurbanov, Editor.az
