İsrail əsgərləri Livanın cənubundakı “Hizbullah”ın raket qurğuları və silah anbarlarının saxlandığı obyektlərinə zərbələr endirib.
Bu barədə RBC-Ukrayna İsrail Müdafiə Qüvvələrinin (IDF) Telegram kanalına istinadən məlumat yayıb.
İsrail Müdafiə Qüvvələri bu yaxınlarda Livanın cənub bölgəsində raket və raket qurğularının saxlandığı Hizbullah hərbi obyektlərinə, eləcə də silah anbarlarına zərbələr endiriblər.
“Hizbullah” terror təşkilatı bu məntəqələrdə fəaliyyətini bərpa etməyə çalışır”, - deyə İDF qeyd edib.
İsrail hərbçiləri həmçinin qeyd ediblər ki, silahların olması və Hizbullahın fəaliyyəti İsrail və Livan arasında razılaşmaların kobud şəkildə pozulmasıdır.
"İD İsrail dövlətinə qarşı hər hansı təhlükəni aradan qaldırmaq üçün əməliyyatları davam etdirəcək", - hərbçilər əlavə edib.
Qeyd edək ki, 2023-cü ilin payızında HƏMAS İsrailə hücum etdikdən sonra Livanın “Hizbullah” qruplaşması şimaldan raket və dron hücumları həyata keçirərək münaqişəyə qoşulub.
Əziz Mustafa, Oxuməni.az
