ABŞ prezidenti Donald Tramp həftəsonunu keçirdiyi Nyu Cersidə təyyarədən enərkən jurnalistlərin suallarını cavablandırıb.
İsrailin İrana hücumları ilə başlayan münaqişəyə ABŞ-ın mümkün müdaxiləsi ilə bağlı sualı cavablandıran Tramp, bombardmanlarda İsrailin yerin altına keçmək imkanının məhdud olduğunu bildirib və "Nə olacağını görəcəyik. Bəlkə buna (müdaxiləyə) ehtiyac olmayacaq" deyib.
Tramp İranın ABŞ-ın danışıqlara ciddi yanaşdığı halda İsraildən hava hücumlarını dayandırmasını niyə istəmədiyi ilə bağlı suala “Məncə, hazırda belə bir tələb irəli sürmək çox çətindir” deyə cavab verib.
Münaqişədə İsrailin "qalib gəldiyini" iddia edən Tramp danışıqlarla bağlı "Ancaq biz hazırıq, istəkliyik və bacarırıq. İranla danışmışıq və nə baş verəcəyini görəcəyik. Onların ağıllarını başlarına toplayıb-toplamayacaqlarını görmək vaxtıdır" deyib.
Tramp isə İranla görüşən avropalıların “heç bir faydası olmayacağını” və “İranın onlarla görüşmək istədiyini” deyib və bunun üçün İrana “maksimum iki həftə” vaxt verdiyini bir daha vurğulayıb.
