BAKI, 21 iyun. TELEQRAF
Amerika Birləşmiş Ştatları İran yaxınlığında Səudiyyə Ərəbistanı və Küveyt sərhədlərinə iki Lockheed C-5M Super Galaxy hərbi-nəqliyyat təyyarəsi göndərib.
Teleqraf xəbər verir ki, bu barədə Flightradar24 xidməti məlumat yayıb.
İlk təyyarə iyunun 19-da axşam İtaliyanın Aviano aviabazasından havaya qalxıb, bundan sonra Səudiyyə Ərəbistanının Əl-Kharc şəhərinin cənubunda qeydə alınıb. Agentlik qeyd edib ki, altı saat sonra o, Avianoya uçub.
İkinci təyyarə iyunun 20-də səhər saatlarında Almaniyadakı ABŞ-ın Ramşteyn aviabazasından havaya qalxıb. Günortadan sonra təyyarə Küveyt üzərindəki hava məkanında, Səudiyyə Ərəbistanı ilə sərhədə yaxın Əl-Vəfra qəsəbəsi yaxınlığında qeydə alınıb.
İyunun 17-də məlum olub ki, ABŞ regiondakı hərbi kontingenti qorumaq üçün “USS Nimitz”in başçılıq etdiyi təyyarədaşıyan qrupunu Yaxın Şərqə göndərir. Bu əmri ABŞ-ın müdafiə naziri Pit Heqsetin verdiyi bildirilir.
