Prezident Ərdoğan və Baş nazir Paşinyan Türkiyə ilə Ermənistan arasında münasibətlərin normallaşması prosesi çərçivəsində atıla biləcək addımlar müzakirə edib.
AzPost bildirir ki, İstanbulda Prezident Ərdoğan Ermənistanın baş naziri Paşinyanı Dolmabağçadakı prezident ofisində rəsmi mərasimlə qarşılayıb.
Görüşdə xarici işlər naziri Hakan Fidan və Ermənistan xarici işlər naziri Ararat Mirzoyan da iştirak edib.
Tərəflər xüsusilə Türkiyə və Ermənistan arasında əlaqələri, Cənubi Qafqazda sülh və dialoq prosesini, eləcə də regionumuzu narahat edən cari hadisələri müzakirə ediblər.
Prezident Ərdoğan görüşdə Azərbaycan və Ermənistan arasında sülh danışıqlarında əldə olunan razılaşmanın hazırkı şəraitdə əhəmiyyətinə diqqət çəkib. O, Türkiyənin “qazan-qazan” konsepsiyasına əsaslanan bölgənin inkişafına yönəlmiş səylərə hər cür dəstəyi verməyə davam edəcəyini ifadə edib.
Görüşdə Türkiyə ilə Ermənistan arasında münasibətlərin normallaşması prosesi çərçivəsində atıla biləcək addımlar müzakirə edilib.
Ərdoğan Türkiyənin təkcə Qafqazda olmadığını, bütün regionda sabitliyin bərqərar olması üçün bütün diplomatiyasından istifadə etdiyini deyib. Türkiyə prezidenti İsrailin İrana hücumları ilə bölgədə başlayan zorakılıq spiralı ilə bağlı riskləri aradan qaldırmaq üçün liderlərlə təmaslarını davam etdirdiyini bildirib.
