ABŞ Maliyyə Nazirliyi İranın müdafiə sənayesi üçün dəqiq maşınlar tədarük edən təşkilatların hədəf alındığını açıqlayıb.
Açıqlamada 1 nəfər və 8 şirkətin İranın müdafiə sənayesi üçün dəqiq maşınların tədarükü və daşınmasını təmin etdikləri səbəbilə sanksiya siyahısına əlavə edildiyi qeyd edilib.
Bəyanatda həmçinin Honq-Konqda yerləşən “Unico Shipping” şirkətinə məxsus gəmiyə qarşı sanksiyaların tətbiq edildiyi və sanksiyaların İranın raket və digər silah potensialını inkişaf etdirməsinin qarşısını almaq, İran İnqilabı Keşikçiləri Korpusu və onun vəkil ünsürlərinin resurslara çıxışını kəsmək məqsədi daşıdığı bildirilib.
