Avstraliyanın ən nüfuzlu ali təhsil müəssisələrindən biri olan Avstraliya Milli Universitetində (ANU) rəhbərlik böhranı yaşanır. Universitetin idarəetməsi ilə bağlı ciddi narahatlıqlar səbəbilə ölkənin Təhsil naziri Jason Clare birbaşa müdaxilə edib.
AzEdu.az xarici mediaya istinadən xəbər verir ki, Nazir Clare bildirib ki, ANU rəhbərliyi tərəfindən qanun pozuntuları və idarəetmə boşluqları müşahidə olunub. Bu səbəbdən məsələ artıq rəsmi tənzimləyici orqanların nəzarətinə keçib. Hazırda universitet rəhbərliyi müvafiq qurumlarla əməkdaşlıq edir.
Hadisə, universitetin maliyyə və qərarvermə strukturunda şəffaflığın pozulduğu iddiaları fonunda baş verib. Tələbə təşkilatları və akademik heyət universitetdə hesabatlılıq və idarəetmədə dəyişikliklərin vacib olduğunu vurğulayırlar.
Nazirlikdən bildirilib ki, təhsilin keyfiyyəti və ictimai etimadın qorunması məqsədilə bu tip araşdırmalar davamlı nəzarətdə saxlanacaq.
