Çinin avtomobil istehsalçısı iCaur 2026-cı ildə Rusiya bazarına çıxmağa hazırlaşır.
Hafta.az-ın yazdığına görə, Chery qrupuna bağlı olan brend yaxın üç ildə 100-dən çox ölkədə fəaliyyət göstərməyi planlaşdırır və Rusiyanı ilk 10 prioritet bazar siyahısına daxil edib.
Brend rəsmiləri ətraflı məlumat verməsələr də, elektrik krossover və hibrid modellərdən ibarət məhsul çeşidini təqdim edəcəklərini açıqladılar.
Rusiyada iCaur kimi təqdim olunacaq modellər Çində iCar brendi ilə satılır:
iCar 03:184 at gücündə (arxa ötürücülü) və 279 at gücündə (4x4) versiyalarla 500 km məsafə qət edə bilər.
iCar V23: 136 at gücü (tək mühərrik) və 211 at gücü (iki mühərrik) variantları ilə 550 km məsafə qət edə bilər.
iCar 03T: Daha böyük gövdə ilə genişləndirilmiş versiya.
2023-cü ilin yazında qurulan iCar, bucaqlı və aqressiv dizaynlı elektrik avtomobilləri ilə diqqət çəkir.
Müxtəlif ölkələrdə Chery və Jaecoo kimi markalar altında satılan modellər müəllif hüquqlarına görə bəzi bazarlarda iCaur adından istifadə edir.
Mütəxəssislər, Çin markalarının Qərb avtomobil nəhənglərinin Rusiyadan geri çəkilməsi ilə yaranan bazar boşluğunu doldurduqlarına diqqət çəkərək, iCaur-un xüsusilə elektrik və hibrid modelləri ilə gənc istehlakçıları cəlb etməyi hədəflədiyini bildirirlər. Bu addım Rusiyanın Asiya avtomobil bazarındakı payını daha da artıra bilər.
