Hücum zamanı zəifliyin ümumi səviyyəsi orta-yüksək kimi qiymətləndirilir.
Heftelik.az-ın məlumatına görə, bu, “Mülki aviasiya sahəsində təhdidlərin qiymətləndirilməsi və risklərin idarəolunması Metodikası”nda əksini tapıb.
Belə hücumlarda aviasiya hədəflərinə qarşı qalıq riskin səviyyəsi də ORTA-YÜKSƏK olaraq qiymətləndirilir. Təhlükəsizliyin artırılması məqsədilə yüklərin emalı və saxlanılması zonasına girişə ciddi nəzarət tətbiq edilir. Bu zonalara daxil olan şəxslər təhlükəli əşyaların aşkar edilməsi üçün baxışdan keçirilir. Yük göndərişlərinə uyğun baxış metodları istifadə olunur. Yüksək riskli yüklər müəyyən edilərək daha mükəmməl yoxlama prosedurları tətbiq edilir. Eyni zamanda, məlum yükgöndərənlər və qeydiyyatdan keçmiş agentlər rejimi həyata keçirilir.
