Son illər boşanmaların sayı artıb. Artıq mütəxəssislər bununla bağlı müxtəlif fikirlər səsləndirir, çözümlər təklif edirlər.
Boşanmalar hər iki tərəflə yanaşı, uşaqlara da ciddi təsirlərini göstərir.
Psixoloq Könül İsmayılova Hit.az-a deyib ki, ata-ananın boşanması uşaqların psixoloji vəziyyətinə, yaşlarına görə təsir edir:
"Bir-üç yaş arası uşaqlar boşanma vəziyyətini başa düşməsələr belə, onların psixoloji vəziyyətlərində dəyişiklik baş verir. Əvvəlkinə baxanda daha tez-tez və çox ağlayırlar. Üç-altı yaş arası olanlar isə hər şeydə özlərini günahlandırırlar, onlarda əsəb gərginliyi artır, hansı valideynlə yaşayırlarsa, ona qarşı aqressiv olurlar. Boşanma prosesində 6-11 yaş arası uşaqlar özlərini aldadılmış hiss edirlər. Onlar boşanmada səbəbkar bildikləri birlikdə yaşadıqları ana, ya da atanı günahlandırırlar. Valideynləri boşanan 12-16 yaş arası uşaqlarda isə əsəb, hirs, kin, təcavüzkarlıq, özünəqapanma halları, diqqət toplamaqda çətinlik çəkmək, insanlara qarşı güvənsizlik, sosial fobiya kimi psixoloji narahatlıqlar görünə bilər".
Sevinc
