Bonn şəhərində keçirilən BMT-nin İqlim Dəyişmələri üzrə Çərçivə Konvensiyasının 62-ci sessiyası çərçivəsində Azərbaycan QHT-lərinin iştirakı ilə İqlim Kampında xüsusi tədbir təşkil edilib.
QHT.az xəbər verir ki, tədbirdə Azərbaycanın iqlim dəyişmələri ilə mübarizə, zəngin mədəni irsi və Qlobal Cənub ölkələrinə verdiyi dəstək vurğulanıb. Pavilyonda Qlobal Cənub QHT Platforması, COP29-a həsr olunmuş guşə və Azərbaycan mədəniyyəti nümayiş etdirilib. Ziyarətçilər, həmçinin “Tullantıdan İncəsənətə” sərgisində ekoloji fəalların işləri ilə tanış olublar.
