Fransa prezidenti Emmanuel Makronun Qrenlandiya səfəri amerikalı həmkarı Donald Trampı qıcıqlandırıb.
Modern.az xəbər verir ki, bu barədə Britaniyanın “Financial Times” qəzeti məlumat yayıb.
Məlumata görə, Ağ Ev rəhbərinin Kanadada keçirilən G7 sammitini vaxtından əvvəl tərk etmək qərarına Fransa liderindən narazılığı da təsir edib.
Bu arada adının açıqlanmasını istəməyən Britaniya rəsmisi nəşrə bildirib ki, ABŞ lideri sadəcə olaraq G7-dən bezib və “məhsuldar nəsə” üzərində işləməyə davam etmək istəyir.
