Azpolitika.az portalından verilən məlumata əsasən, ain.az bildirir.
İran–İsrail qarşıdurması daha da gərginləşir.
“AzPolitika” Qərb mediasına istinadla xəbər verir ki, ABŞ-ın İsraildəki səfirliyi fövqəladə qərar qəbul edərək bütün amerikalı dövlət qulluqçuları və onların ailə üzvlərinə yaxınlıqdakı sığınacaqlara keçməyi və yeni göstərişlərədək orada qalmağı əmr edib. Bu addım bölgədə genişmiqyaslı müharibənin başlanacağı ehtimalının artdığı bir vaxtda atılıb.
ABŞ səfirliyinin xəbərdarlığından dərhal sonra İsrail vətəndaşları kütləvi şəkildə marketlərə axışaraq ərzaq və digər zəruri məhsulları toplamağa başlayıblar. Yerli medianın məlumatına görə, bir çox mağazada çörək, su, konservlər və tibbi ləvazimatlar tükənmək üzrədir. Əhali mümkün hücuma qarşı hazır vəziyyətə gətirilib.
İran tərəfindən buraxılan hücum dronlarının bir qismi artıq İordaniya ərazisinə daxil olub. İordaniyanın hava hücumundan müdafiə sistemləri bəzi dronları zərərsizləşdirə bilsə də, paytaxt Ammanda hava həyəcanı siqnalı verilib. Bu, İranın mümkün zərbələrinin yalnız İsraillə məhdudlaşmayacağını, region ölkələrinin də təhlükə altında olduğunu göstərir.
Müşahidəçilər hesab edirlər ki, bu dəfə İranın cavabı daha sərt və genişmiqyaslı ola bilər. Dronların İordaniyaya çatması Tehranın bölgə üzərindəki strateji planlarını və “müqavimət oxu”nun aktivləşdirildiyini nümayiş etdirir. ABŞ səfirliyinin erkən xəbərdarlığı isə Vaşinqtonun mümkün hücumların miqyasının artacağını gözlədiyini göstərir.
Bu vəziyyət təkcə İran və İsrail arasında deyil, həm də regional güclər və Qərb dövlətləri arasında dolayısı toqquşmaya çevrilə bilər.
AzPolitika.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
