Ukrayna prezidenti Vladimir Zelenski G7 sammiti çərçivəsində Yaponiyanın baş naziri Şiqeru İşiba ilə mühüm görüş keçirib.
Herbiand.az xəbər verir ki, bu barədə çərşənbə günü, iyunun 18-də Ukrayna Prezidentinin Aparatının rəhbəri Andrey Yermak Telegram kanalında yazıb.
Onun sözlərinə görə, danışıqlarda Ukraynanın ədalətli sülh və təhlükəsizliyə nail olmaq üçün beynəlxalq tərəfdaşlarla birlikdə qəbul etdiyi əsas çağırışlar və strateji qərarlar müzakirə olunub.
"Prezident Yaponiyaya göstərdiyi hərtərəfli humanitar, maliyyə və enerji sahəsində dəstəyə görə təşəkkür edib. Təkcə iyun ayında Rusiyanın dondurulmuş aktivləri üzrə faizlər hesabına 3,3 milyard dolların verilməsinə dair saziş imzalanıb. Yaponiya yardımının ümumi məbləği artıq 12 milyard dolları ötüb"., - nəşr yazır.
Yermak qeyd edib ki, Yaponiyanın baş naziri Tokionun sarsılmaz mövqeyini təsdiqləyib: “Ukraynada sülh yalnız onun ərazi bütövlüyü tam bərpa olunduğu halda mümkündür. Hər iki tərəf aqressiyanın qarşısını almaq üçün Rusiyaya qarşı sanksiya təzyiqinin daha da gücləndirilməsinin zəruriliyi ilə razılaşıb”.
Tərəflər həmçinin Ukraynanın müdafiə ehtiyaclarını, o cümlədən hava hücumundan müdafiə sistemləri, pilotsuz təyyarələr və enerji infrastrukturunun mühafizəsini müzakirə ediblər; dronların istehsalı sahəsində əməkdaşlıq və yapon investisiyalarının cəlb edilməsi; Yaponiyanın Ukraynanın müharibədən sonrakı bərpasında iştirakı - artıq bir sıra layihələr hazırlanır.
Tərəflər “qlobal təhlükəsizlik çağırışı kimi Rusiyanın İran və Şimali Koreya ilə əməkdaşlığının təhlükəsinə” toxunublar.
Dövlət başçısı qlobal təhlükəsizliyin möhkəmləndirilməsinə töhfə verən həmrəyliyə və prinsipial mövqeyinə görə yapon xalqına minnətdarlığını bildirib. "Ukrayna bu dəstəyi hiss edir və bunu yüksək qiymətləndirir", - deyə Yermak yekunlaşdırıb.
