Finss.az xəbər verir ki, Ziraat Bankı xarici ticarətin maliyyələşdirilməsi üçün xaricdən vəsait təmin etmişdir.
Bankdan verilən məlumata görə, Ziraat Bankı 3 il müddətlə 500 milyon ABŞ dolları məbləğində murabaha maliyyələşdirmə əməliyyatını tamamlayıb.
Sözügedən razılaşma Küveytdə İslam Maliyyəsi sahəsində fəaliyyət göstərən qurumlardan biri olan Küveyt Maliyyə Evi ilə bağlanıb.
Murabaha əməliyyatı ilə bağlı açıqlamalar verən Ziraat Bankının baş direktoru Alpaslan Çakar;
"Qlobal iqtisadi perspektivdə son vaxtlar baş verən qeyri-müəyyənliklər və geosiyasi inkişaflar maliyyələşməyə çıxışda yeni modelləri və beynəlxalq əməkdaşlıqları daha da vacib edib. Bu kontekstdə Küveytin aparıcı maliyyə qurumlarından biri olan Küveyt Maliyyə Evi ilə həyata keçirdiyimiz bu yüksək dəyərli murabaha əməliyyatı Bankımıza və Türk bank sektoru arasında əməkdaşlığın artırılması məqsədi ilə iki ölkə arasında əməkdaşlığın daha da artırılmasının bariz göstəricisidir. Xarici ticarətin maliyyələşdirilməsi sahəsində həm iri miqyaslı şirkətlərə, həm də KOM-lara təklif etdiyimiz həllər, eyni zamanda möhkəm maliyyə quruluşumuz, qlobal bazarlardakı güclü müxbir şəbəkəmiz, korporativ bankçılıq və xarici ticarətdə artan effektivliyimiz və strateji baxışımız sayəsində, qarşıdakı dövrdə də oxşar əməliyyatları artırmağı hədəfləyirik”.
