Yerli medianın məlumatına görə, İsrail rəsmilərindən biri hücumların tək başına İranın Fordo nüvə obyektini dağıda bilməyəcəyini söylədikdə, “Kanal 13” isə Trampın dəyişikliyinin ABŞ-ın müharibəyə girməsi üçün siqnal ola biləcəyinə işarə edib.
İsrail mediası bildirib ki, İsrail ABŞ-ın İrana qarşı davam edən misli görünməmiş hücumlarına qoşulacağını gözləyir.
Adının açıqlanmasını istəməyən yüksək rütbəli İsrail rəsmisi deyib ki, Təl-Əvivdəki qiymətləndirmələr göstərir ki, ABŞ prezidenti Donald Tramp Amerika qüvvələrinin İrana hücumlarda iştirakını təsdiqləyəcək.
“Tramp tamaşaçı deyil, iştirakçı kimi yadda qalmaq istəyəcək”, – deyə rəsmi əlavə edib.
Rəsmi “ABŞ olmadan “Fordo” nüvə obyektlərinə yalnız məhdud zərər verə bilərik” deyib.
İsrailin “Kanal 13” telekanalı qeyd edib ki, Trampın mövqeyini dəyişməsi onun münaqişəyə qatılmaq niyyətində olduğununa işarəsi ola bilər.
Xəbərdə həmçinin İsrailin İranın ən möhkəm və mühüm obyektlərindən biri olan “Fordo” nüvə obyektinə mümkün hücuma hazırlaşdığı bildirilib.
Rəsmilər Fordonun İsrail ordusunun hədəf siyahısında olduğunu və İsrailin nə vaxt zərbə endirəcəyinə qərar verəcəyini qeyd edib.
Bununla belə, rəsmilər ABŞ-ın iştirak etmədiyi təqdirdə hücumun mahiyyətinin daha aşağı olacağını da etiraf ediblər.
Netanyahunun ABŞ-ın rolu üçün təhrik etməsi
İsrailin müdafiə naziri İsrael Katz iyunun 17-də təhlükəsizlik qiymətləndirməsi zamanı məsələyə toxunaraq, bir tərəfdən Baş nazir Benyamin Netanyahu ilə strateji işlər naziri Ron Dermer, digər tərəfdən isə Tramp arasında davam edən birbaşa əlaqəyə diqqət çəkib.
“İsrail Hayom” qəzeti ABŞ-ın münaqişədə iştirakının vacibliyini vurğulayaraq, “İsrail dağda 295 metr dərinlikdə basdırılmış ən kritik nüvə obyekti Fordo istisna olmaqla, İranın nüvə obyektlərinin əksəriyyətini hədəf alıb” deyib.
Xəbərdə qeyd edilib ki, yalnız ABŞ-ın bu cür dərin basdırılmış hədəflərə nüfuz edə və məhv edə bilən B-2 bombardmançı təyyarəsi var.
B-2 həm adi, həm də nüvə silahlarını daşıya bilən uzun mənzilli, çoxməqsədli bombardman qırıcısıdır.
Eyni kontekstdə Netanyahu daha sonra deyib: “Hazırda qarşı-qarşıya olduğumuz təhdid İrandır. Ya biz, ya da onlar”.
“Fərqli bir Yaxın Şərq görəcəyik, daha əvvəl görmədiyimiz bir reallıqdır”, – o əlavə edib.
Qeyd edək ki, iyunun 13-də İsrailin mülki, hərbi və nüvə obyektləri də daxil olmaqla İranda bir çox məntəqələrə koordinasiyalı hava hücumları təşkil etməsi və Tehranın cavab zərbələri endirməsi ilə regional gərginlik artmaqdadır.
İran İsrailin hücumu nəticəsində azı 224 nəfərin öldüyünü, 1400-dən çox insanın isə yaralandığını bildirib.
İsrail rəsmiləri o vaxtdan bəri İranın raket zərbələri nəticəsində ən azı 24 nəfərin öldüyünü və yüzlərlə insanın yaralandığını bildirib.
