İlon Maskın süni intellekt sahəsində qurduğu xAI startapı 4,3 milyard dollar həcmində yeni investisiya cəlb etməyə çalışır. Bu barədə “Bloomberg” məlumat yayıb.
Bu maliyyələşmə, Maskın “X” (əvvəlki Twitter) və xAI şirkətlərinin birgə fəaliyyətini genişləndirmək üçün planlaşdırdığı 5 milyard dollarlıq borc vəsaiti toplama səylərinə əlavə olaraq nəzərdə tutulur.
xAI dekabr ayında artıq 6 milyard dollarlıq kapital cəlb etmişdi. Lakin şirkətin yüksək texnoloji məhsulları — süni intellekt çatbotu Grok və şəkil generatoru Aurora — olduqca resurs tələb etdiyi üçün, bu vəsaitin böyük hissəsi artıq xərclənib.
Hazırda “Grok” sosial şəbəkə “X” platformasında istifadə olunur. Şirkətin texnologiyalarının inkişafı və miqyaslandırılması üçün əlavə investisiyaya ehtiyac olduğu bildirilir.
©tech.az
